البيجو 407

تكفون يالربع نبي نصيحتكم في البيجو 

والله البيجو زينة و ما أخذت حقها بالسوق

والله البيجو ما دخلت مزاجي

اشكالها قبيحه

لكنها تخدم معك و سياره كفو

اما بالنسبه للقطع فما له سمعه كبيره

فكل القطع لازم تشتريها من الوكاله

ومعروف الوكاله تصصلخ بالسعر

صح عليك يابو خالد شكلها جدا قبيح لو تاخذلك كامري 2002 افضل اول شي صبر وتحمل شوف الكوامري القديمه كيف

اهرب من البيجو انا كانت معي وشيبت فيني
ماتحصل احد يعرف يصلحها 
وقطعها طلبيه
واذا طلبت طلبت

الله يجزاكم خير ياشباب وماقصرتو \\\ لاكن سؤال وش الافضل 6سرندل او 4 وكم سعرها موديل 2004 فئة 407 6سرندل وشاكرلكم 

والله كنت أعرف واحد معاه وحده فل كامل الرجال هذا رجله حاره يلعن إبليسه ياشيخ محد يركب معه إلا وينزل ويقول لأبوك لأبو اللي يركب معك ماركب سياره في الدنيا إلا ووصل لسرعتها القصوى 

صراحه السياره تحملت معه أنا ما صدقت أن بيجو تعيش مع إنسان زي ذا المهم قابلته بعد سنتين تقريبا أقوله وين السياره يقول واقفه يبيلها صفيحة زيت جديده قلتله هذا بس قال أيه والله توقعت أنه بيقولي الماكينه مخبطه والقير مخبط من أستعماله بس طلعت تتحمل بس عيبها تتفكك شوي

ولاتنسى تسأل عن قطع غيارها الأستهلاكيه والأساسيه أهم شيء والله يكتبلك اللي فيه خير  

شكرا جزيلا لك اخوي kaboom وماقصرت بس ولله اني محتار بين ثلاث سيارات وهم البيجو407 والمكسيما 2002 والمازدا 2003

والمكسيما حصلت وحدة موديل 2002 فل كامل نظافتها يعني نص نص با12 الف والبيجو ولله مدري كم اسعارهم لو احد عندة خلية في اسعار البيجو 407 يسدحها لنا وشكرا

البيجو سعرها رخيص    تتحمل كرف بس وقت  توقف  تقلك   ادفع تصليح  قيمة الايام يلي استخدمتني فيها
 و بوجهك تروح للوكالة ويصلخوك  بل السعر وقطعها حصريا في الوكالة  مافي ورشة تستقبلها لانهم مايفهمو فيها   

أبعد عن المازدا واحد من أخوياي كان معاه مازدا 3 تدري حساس الهواء كان قيمته 1300 وقايلي على أشياء ثانيه قطع غيارها نار السياره أبو كلب وتحسف أنه شراها بعدين صدم عليها راحت تشليح ومعاه ألحين كرايزلر 300 سي 2009 طالبها من أمريكا ومبسوط فيها ماشاء الله 

دورلك كامري نظيف من 98 إلى 2002 قير أتوماتيك صراحه تعيش وقطعها رخيصه والله يكتب لك اللي فيه الخير 

صح نسيت أقولك الله يرزقك من أوسع أبوابه وتشتري سياره 2014 

بختصار لااااااا

موتر وكليه افشل من الفاشل وش تتوقع

البيجو طال عمرك اعرف عنه انه  سياره جباره با كل شي اول 4 سنوات تقريبا . ولاجيت تبيعه  ماتجيب لك السعر المناسب بل تخسف با الارض فقط .

يا اخوان البيجو والفلولفو والمازد مظلومين هنا بشكل مو طبيعي  بكفي ان السياره فرنسيه يعني تصنيعها اوكي مو مثل الكامري الحج عبداللطيف يجمعها هنا ... تحياتي ^_^

معي بيجو 407 4 سرندل
قوية وتتحمل كرف ومريحة في السفر واقتصادية عيبها الوحيد في قطع الغيار والصيانة بس لو انت محافظ ماراح تحتاج قطع وصيانة

معي سياره بيجو 407موديل 2005للبيع والله العظيمم ممتازه كليا