سيارةفى تبوك وانا في مكةكيف اقدرانقل الملكيةواشحنها بدون سفر

لا اوصيك بكره نزل موضوع قول شغني وسرقني و طلع بالسياره مشاكل

لا تثق في اي احد يبيع لك بالصور.. اذا عندك احد في مكة خليه يروح يفحص السيارة 

تواصل معى خاص اعطيك رقم صاحب معرض يضمن حقك يالغالى 

ابو عبدالعزيز و الله انك صادق ههههههههههههههههههههههه

فيه عضو معنا اسمه باسل النزهة
قبل فترة بسيطة اشترى كابرس رويال 2007 من الموقع
على اساس انه نظيف
وبعد كذا نزل كم موضوع عنه يسب ويلعن وانه انغش فيه والكابرس طلع فيه مشاكل كثيرة
وكتمة وغير دينمو وفيه مشاكل حتى الصناعية ما عرفت لها
وقبل امس يستفسر عن توضيب القير
وقبل يوم ونص منزل اعلان عنه للبيع يعني ما ادري متى امداه يوضب القير خلال كم ساعه
ويقول بالاعلان ان الكابرس نظيف شغل وامش ما يحتاج شيء وافحص اي مكان يبي يغري الناس
ويغشهم عشان ياخذون على كلامه بدون فحص
يعني انغش فيه ويبي يغش غيره سبحان الله 

رقم الاعلان : 6061090

آنـت بعقلك ولا مهبـول؟؟
سـلامـات تشتري سيارة من ورا شاشة 
وش اللي حادك تشتري سيارة من ورا شاشة 
لايغرك اذا راعي السيارة يحلف لك ان السيارة 
مابها شي > ولو شريتها ميه بالميه اللقاك 
منزل موضوع انضحك علي بسيارة مثل ماقال ابو عبدالعزيز 

السلام عليكم
 والله ياخوك احذر احذر
والله واحد من الشباب اعرفه شخصيا اشترا سياره من موقع حراح عباره فورد سعودي
والرجال قله فيه ضربه بالرفرف الخلفي مع الصدام مرشوشه 
ويحلف بالله ويقسم وانها بذمته السياره شرط مافيها اي مشكله والعداد كان 70 الف
الرجال صدق حول له صوره بطاقته ونقل السياره بسمه وحول له الفلوس
وبعد اربعه ايام وصلت السياره الدمام
تدري اش طلع ....!
 طلع الشاص ملحم من الخلف جايها ضربه مو بسيطه.. والعداد مرجع كانت ماشيه فوق 200 الف
فأنت احذر احذر لاتشتري سياره من ورى الشاشه
....
وفيه موضوع  ثاني حصل مع احد الزملاء عن طريق موقع حراج
شرا سياره عباره عن كابرس 2010 والرجال يقول فقط رش تجميلي بالرفرف فقط حكه بسيطه
ويوم وصلت السياره للرجال  اتضح ان الارباق  طالع ونص القطع تجاري والوجهيه مغيره....
 فلا تستعجل
ارسل اي شخص لمكه لو تنزل اعلان تطلب فيه احد الشباب يودي السياره يفحصها منت خسران شي وتحو له قيمه الفحص..
 فيه ناس تحب عمل الخير لو تعطيه حق تعبه منت خسران..

انتبه  او اقل شي عطنا رقم اعلانه  نشوف صدقه من كذبه 

اذا كنت تمزح فأقول لك اضحك الله سنك!
لكن ان كنت صادق
فاسمح لي اقول انك "دجة"
كيف تشتري شيء ماتعاينه بنفسك؟
أقول اذا تبي السيارة قوم فز الحين رح لها وعاينها واكشف عليها
واذا ماتبيها شوف لك شيء من مدينتك طالما انك ماتبي تتعنى!!
ياخي حتى السيارة الزيرو الي تبي تاخذها من الوكالة أول شيء تعاينها قبل استلامها!!
وشفيك انت؟ لاقي فلوسك في الشارع مثلا؟ انتبه واحذر ولاتحط فلوسك في أوهام..
واذا انت ماتعرف تتصرف في هذه الامور شوف واحد من اقرباءك او اصدقائك
يقوم لك بهذه المهمة

ما انصحك والله
هات رقم اعلانه نشوف نضيفه ولا لا
بس بشكل عام ما انصحك عندك جده و المناطق القريبه من مكه افضل من تبوك

عطنا رقم الإعلان نشوف 

غلطان وتراك راح تندم الحين الناس تنغش والبيع حاظر الناظر وانت بشتري شي ماتشوفه الابعد ماتدفع الفلوس ياراقل انتبه ترى نحصل موضوع للك بكره هنا فلان نصب علي انتبه شفللك موتر في ديرتك احسن ولاسفر حتى اذا متاكد من موتره قله ازيدك 1000الف ريا

والله ما انصحك ترا لي مدة ادور سيارة في حراج تشوف الصور و كلام الرجال تقول نظيفة و مافيها شي

تروح تشوفها تطلع احلى و احلى لاكن دخلها الفحص والله انك تكرهها من المشاكل اللي تطلع ..مقصدي الناس

تشتري بعينها و بفحص و بعضهم برضو ينغش ايش رايك بواحد ما شفت سيارته ولا فحصتها ولا جربتها

حتى لو كانت السيارة عاجبتك اصبر و دور عندك لين ما تلقى او سافر له اخسر الفين ولا تخسر قيمة سيارة