ان امكنك تفيدوني بالبيجو 407 مستعملة 2007 نظيفة

في الغربية خصوصا مكة جدة بيجو منتشرة واغلبها موديلات قديمة ومغبرة وماشيه تمام يعني باختصار سيارات بيجو عملية جدا قطع الغيار هنا المشكلة شوف منتشرة البيجو في مدينتك ولا لا بالتوفيق

لا والله ما انصحك فيها

كم سيارة بيجو اشوفها واقفه بالشارع حتى غبرت ولا هي معقولة كلها فيها مكينه او قير او شيء كبير

ممكن اعطال ممتالية حتى كرهها راعيها ورماها بالشارع

و ممكن قطع غير متوفرة او قطعة الكترونية قيمتها غاليه ولا فيه الا جديد 

اقولك ابعد عنها انا مجربتها 
لكن البيجو ع مسمع عنها 
انها معفنه ودروش الراس 
وانت مالك ومال وجع الراس 
دور شي ماشي سوقه 
شي يكرف معك وتكون فيه مهندسين يسوونها اذا خربت 
نصيحتي لك دور لك شي معروف 
لك افضل تحياتي 

البيجو سيارة ممتازة وتخدم وعمليه
لكن ماتنفع بدول الخليج ابدا
----------------
السبب /
1- الوكيل سيء
2- صعب تحصل الي يصلحها وان حصلت اجرتة غاليه لأنه كلة كمبيوترات وان عطيته لسباك خربلك الدنيا وما تدري عن المستعمل كم سباك عدى عليها 
3- قطعها غير منتشرة
-------------------------
تنفع بدول مثل الشام و مصر و شمال افريقيا عندهم منتشرة أكثر من تويوتا
----------------
اقرب مثال عندك بيجو 301 نص فل معارض اصفار 33 ألف ريال الي الان موجودات بالسوق موديلات 2014 ما انباعت
بينما سعرها بمصر 150 ألف جنية وتنتظر شهور عشان تستلمها و مخلصين المعارض
وفي لبنان تبدأ من 60 ألف ريال سعودي للاستاندر
أما عندنا تبدأ من 38 ألف ريال سعودي للاستاندر وقليل الي مشتريها بعد !
انا كنت ناوي على بيجو 301 للمدينة لكن بعد تفكير صرفت النظر عنة
واذا تدور على قله الاعطال وسهل صيانتة مالك الا التويوتا و الكوري بشكل عام ماتوقف عليك
واذا المبلغ بحدود 20 أنصحك بالأكسنت منتشرة تحت كل عمارة لازم تحصل أكسنت
موفق...

السياره ممتازه لاكن

الوكيل سيئ

الورش ماتعرف لها

ماتناسب الجو الحار غير مصممه له وتصلح غالبا في المناطق البارده

لذالك اخذ لك ياريس او اكسنت افضل بكثير ( قطع متوفره -تصلح للجو الحار - الطرق الوعره((شوارعنا)) - تصلحها في اي ورشه )

وبالتوفيق مقدما

انصحك تأخذ سيارة منتشرة وقطعها متوفرة وابعد عن السيارات النادرة

شوف عندك الاكسنت اليارس من موديلات 2010 وطالع ممتازة وسهل صيانتها 

شراها ولد عمي عام 2002 فل كامل يوم كان وكيلها بالبيد ب58 تقريبا
وباعها بعد 5 سنوات ب7 الف كان ماشي فوق 300 الف بس جاها حادثين

خذ العلم من شخص جرب
بخصوص اللي يقول غير مصممة لااجوائنا تراه ماجرب ولايدري بس قالها من راسه
السيارة مع ولد عمي ماعمره اشتكى من الحرارة وهو كارفها

لكن المشاكل الي واجهت ولد عمي مع بالبيد
عدم توفر قطع الغيار
صيانتها صعبة واوقات تجيهم مشاكل مايعرفون يحلونها
السيارة تقنية جبارة مثل الالماني

لكن فالنهاية ترجع للوكيل ( اليمني و الحاج حسين )
اذا وفرو القطع والصيانة اقولك خذها اذا كانت جديدة فقط
اذا ماوفروها وخدمتهم سيئة ابعد عنها
الوكلاء الجدد مادري عنهم

هالسيارات المستعمل منها ماينفع تاخذه الا اذا تضمن راعيها محافظ ومافيها حوادث او مشاكل

لكن انصحك تبعد عنها لان هالمديل كان وكيلها بالبيد والحين تركها فمدري هل الوكيل الجديد يوفر قطعها

اذا انت في جدة او مكة خذها وانت مغمض لانه قطعها متوفرة
القطع الاستهلاكية رخيصة جدا والتجارية ارخص بزيادة
افضل حجم للمكينة هو 2.0 انتبه تاخذ 2.2 تتعبك كثير 
اهم نقطة ركبلها مروخة اضافية حقت بيجو 307 وانسى الحرارة واتمتع باحلى برودة تكيف في عز الظهر..عن تحربة
اهم شي نقطة سيارة فخمة نسبيا وسعرها مايزيدد عن 15 الف وتكرفها سنة او سنتين وتبيعها بنفس المبلغ صدقني منت خسران لانك اصلا ماشريتها غالية
عند خيار ثاني مازدا 2007 زوم6 فل كامل..نفس البيجو سعرها مايتحاوز 15 وتقدر تكرفها فترة وتبيعها بنفس السعر

والله يابو حسين انا اشتريتها 301 بيجو وماكنت اتوقع ماشاء الله انها بهذه الجوده العاليه والسواقه المريحه وعزل الهواء الرائع  والله اني ماشي 160 وسايب الطاره وماشاء الله وماشاء الله السياره ماشيه بالملي لا تلف يمين ولا يسار ياخسارة الايام اللي ضيعناها في الياباني 

عندي نفس موتر الأخ العمري والصراحه كلامه كفى ووفى موتر مسكت وقطع غيار متوفره واسئل الوكالة قبل ان تقدم على شراء أي سيارة
ولا تنسى صلاه الاستخارة في امورك كلها

ياخوي السيارة جديدة اكيد مايبين فيها شي  الا بعد سنة
الافضل يأخذ شي متوفر قطعة 

رد على الاخ ابو علاوي

مشكورين على الافادة ما قصرتو

الاخ تركي اشكرك على وجهة نظرك بس الوكاله مسويه لها ضمان 5 سنوات او مليون كيلو متر 
ايهما سبق وانا اتحدى افحل وكالها تعطيك ضمان بعدد الكيلوات اللي تعطيها وكاله الحاج حسين علي رضا 
ليس عنصريه لشركه بيجو لكن الواقع يثبت نفسه 

اخوي ابوعلاوووي صاحب الموضوع شاف سيارة مستعملة
2007 يعني اكل وشرب عليها الزمن اكيد مابيحصل قطع 
غيار لها..والجديد ممكن يمشي 4سنوات بدون مشاكل