أضف سؤال أو موضوع جديد          

وكالة الحاج حسين وشيء مضحك جدا

up 21 down 9
العمري للعقارآت 352
قبل 5 سنه و شهر



مفتاح السياره ضاع واشتريت مفتاح جديد اعطوني موعد بعد 40 يوم يقول مافي الا فني واحد يعرف يبرمج البيجو والمازدا وهو خارج السعوديه الآن
وش هالكلام الفاضي يعني نتعطل 40 يوم لجل الحاج حسين مايبي يجيب موظف برمجه اخر بخلان يدفع راتب ثاني وهو وكيل مازدا وبيجو وجيلي
والكارثه الموظف يقولي حتى جيلي مالها الا فني واحد فقط لو سافر كل شيء يوقف هذا وين وزارة التجاره عنه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


دورك انت بلغ وزارة التجاره
ويوفر لك سيارة بديله


up 26 down 2
mn90oo0r 31
قبل 5 سنه و شهر



اسحب عليهم ومر اقرب محل مفاتيح


up 10 down 1
abonajm 51
قبل 5 سنه و شهر



محلات المفاتيح تقول لازم رقم سري ماهو موجود الا عند الشركه اطلب منهم الرقم واحنا نبرمجلك


up 5 down 1
العمري للعقارآت 352
قبل 5 سنه و شهر



هذا حق من حقوقك عليهم لا تتركه و طالب به و بلغ وزارة التجارة خلك صامل


up 4 down 0
mb 320 195
قبل 5 سنه و شهر



اذا من الغربيه اعطيك رقم منصور الكثيري رجل خلوق ومؤدب

خلص لي سيارتي في ساعه

واخذت رقم الكود من الوكاله في 10 دقايق ورحت له


روح له ولا تعطل نفسك


up 3 down 1
حكيم المعاني 10320
قبل 5 سنه و شهر



ذكرتني بالعيسائي مستوبيشي
المفتاح البديل مع ريموت
يطلبه لك ب700 من الفرع الرئيسي
ياصلك بعد اسبوع
و تبرمجه عند الصيانة بالفرع ب150 !!!!

سحب عليهم و رحت لمحل ريموتك ببريدة
سوا لي نسخة  مفتاح تشغيل بدون ريموت ب200 ريال
بعشر دقايق و قصيت مفتاح لفتح الابواب ب10 ريال 


up 4 down 1
مثقف سيارات 1143
قبل 5 سنه و شهر



قدم شكوى  على وزارة التجارة   ولك  ربع الغرامة  مع الإثبات انة  قالك 40 يوم 


up 1 down 0
b1001b 92
قبل 5 سنه و شهر



البيجو كم موديلها
هل انت من جده
انا مبرمج مفاتيح وممكن افيدك


up 3 down 1
ابو فرهود 357
قبل 5 سنه و شهر



اخي لازم تكون انسان ايجابي وتبلغ وزارة التجارة
هذا استخفاف بالعميل وكيل رسمي وماعنده الا فني واحد ومسافر بعد


up 2 down 0
maktoob110 371
قبل 5 سنه و شهر



أعانك الله على الوكالة المعفنة هاذي
البيجو سيارات ممتازة لكن ما هدم سمعتها غير الوكيل المهمل هذا لا إعلانات و لا خدمات كويسة
أنا صار لي عطل في حساس لمبة الفرامل يعني شيء تافه لما رحت لهم قالي ولا يهمك أسبوع بالكثير و القطعة واصله!
أسبوع يلحق أسبوع صارت شهر و نص لين وصلت القطعة! من كثر ماهي القطعة تافهة مقارنة بباقي القطع ما أخذ 3 دقايق في التركيب و ممكن أقل


up 2 down 0
عبدالله خالد 19 367
قبل 5 سنه و شهر



بلغ وزارة التجارة

والوكالة كل ابوها تتصل عليكـ وتحل مشكلتكـ



خلكـ ايجابي وحضاري وتقدم ببلاغ للوزارة لردع التجار المهملين


up 3 down 1
أبو يارآ 491
قبل 5 سنه و شهر



يا رجال مره سيارة اخويا خربت ولاهي راضية تشتغل
راح اخويا وداها لهم وقعدت حوالي 3 اسابيع او شهر وهي عندهم ولا هم عارفين ايش مشكلتها ههههههههههه
في النهاية قالولو غير الكمبيوتر وغير الدركسون وغير العدادات (( مدري ايش دخل العدادات والدركسون )) وتكلفة الاجمالي حوالي 15 الف ريال
المهم اخويا سحب عليهم ووداها عند واحد هندي وقالو مشكلتها برمجة بس ,, وفعلا برمجها وانحلت المشكلة واخويا اعطاه 1500 ريال



up 3 down 0
loody_23 363
قبل 5 سنه و شهر



يا حبيبي تقدم ببلاغ لوزارة التجاره، ترى كلها مكالمة تلفون و انت جالس.

و بعدين البلاغ ما هو عشانك إنت فقط، عشان تتحسن الخدمه للجميع .


up 0 down 0
فايز 2012 469
قبل 5 سنه و شهر



السلام عليكم.
بالنسبة لسيّارات البيجو إذا ضاع المفتاح لازم يتبرمج عن طريق الرقم السري الموجود في بطاقة السيارة (وهي في حجم بطاقة الصراف ويكون مكتوب عليها الكود بحجم كبير). إذا الرقم عندك مافيه أي مشكلة تروح أي ورشة بيجو يسوون لك برمجة المفتاح الجديد في 10 دقائق باستخدام برنامج Peugeot Planet وهو موجود في كل ورشاتهم


up 1 down 0
أبو محمود 2012 50
قبل 4 سنه و 11 شهر