هل تشتريها بعد إنتقال الوكيل أم تبقى فاشله في نظرك
15
6
إضغط هنا للإخفاء
السلام عليكم
دائما كلنا قبل الشراء نسئل عن الوكيل وخدماته وتوفر فروعه وصيانته وتوفيره لقطع الغيار اما الاسعار فاصبحت اغلب السيارات اسعار قطعها غاليه
لكن لو شفنا ماركه معينه فخمه مثل بيجو او ستروين وغيرها من الماركات الاوربيات الفخمه انتقلت وكالتها الى وكيل محترم وسمعته طيبه
هل تقرر تشتري هذا النوع من السيارات ؟
البيجو وكلنا نعرف انه وكيلها كان بالبيد الفاشل وسحبت منه وكالتها وايضا تم سحب سوبارو من تحت وكالة بالبيد والسبب ان الوكيل سيئ
انتقلت وكالة بيجو الى وكاله اخرى وفلت ايضا والان اصبح الوكيل الرسمي ( الحاج حسين علي رضا )
معروف وعن تجربه انه الحاج حسين خدماته وفروعه وتوفيره للقطع ممتازه جدا لدرجة اني كنت اشتري قطع الفكراون فيكتوريا من وكالة الحاج يوم كان وكيل القراند ماركيز وكنت اجد اغلب القطع ارخص من وكيل فورد اللي هو توكيلات الجزيره
حاليا الحاج حسين وضع البساط لبيجو وبداء في تقديم خدماته المميزه والمعروفه ولكن هل سوف يكون هناك اقبال على سيارات بيجو وهل بيجو سوف تظهر مثلها مثل اي سياره منتشره !!!
الموضوع ومافيه إطرح رايك ووجهت نظرك وهل توافق على شراء البيجو فالوقت الحالي او مستقبلا ؟
علما ان الحاج حسين وكيل سيارات الماركه الفخمه ( Aston Martin ) واللي قد دخل الصيانه يمكن قد شافها موجوده ويسوون لها صيانه
فاعتقد انهم بيكونون فاهمين وعلى ايدي محترفين انهم ييشتغلون فصيانة البيجو دامهم مشتغلين على الاستون مارتن من زمان
لذلك اشوف انه البيجو راح ينجح من ناحية الوكيل والصيانه وقطع الغيار لك تبقى هناك مشكله وهي المستخدمين اللي هم الشعب
هل راح يقتنعون بهذي السياره ولا بسبب الوكيل ام راح تبقى بيجو فاشله في نظرهم ؟
سعر الفل اوبشن ب110 وفيه ب115 بس تفرق الجنوط اكبر للي قيمتها 115
مايحتاج اتكلم عن مواصفاتها وتقنيتها لان الاوروبي غني عن التعريف واما المحركات فلحد يسئل عن قوتها لانها 4 سلندر والاوروبيون لايهتمون فالقوه كثر مايهتمون فالمواصفات والفخامه وخلافه
http://www.youtube.com/watch?v=hzJOYWGn2Sw
إبلاغ
الردود
0
0
أنا معاي سيارة ( بيجو 407 ) موديل 2007 مواصفاتها ماشاءالله تبارك الله عد وإغلط : السيارة راسية جدا وكأنك تسوق بي إم دبليو او مرسيدس والآمان جدا عالي فيها بحيث ماتقل عن 6 إيرباقات وتحكم طارة راديو وصوت بالإضافة إلى مثبت وتحكم في السرعة والمساحات تشتغل اوتوماتيك مع نزول المطر وتزيد سرعتها او تقل حسب سرعة المطر , حتى الشمعات الأماماية لها رشاشات ماء خاص فيها بالإضافة إلى أنوار الضباب وقير اوتوماتيك وعادي تيبتورنيك والمكيف الأمامي مقسوم على جهتين كل جهة تقدر تتحكم ببرودتها ودفعها الهوائي بالإضافة إلى مكيف خلفي وثلاجة والتكاية اللي بين السواق والراكب لها وضيعتين مختلفة والمراتب الخلفية لها تكاية فيها قاعدتين للأكواب .. الخ الصراحة البيجو سيارة مظلوووومة في السعودية وحسبي الله على وكلائها السابقين
قبل 9 سنه و 10 شهر